शिरपूर (प्रतिनिधी) : श्री विलेपार्ले केळवणी मंडळाचे माजी अध्यक्ष आणि शिरपूर येथील आर.सी.पटेल शैक्षणिक संकुलाचे मुख्य आश्रयदाते, उद्योगपती तथा माजी खासदार स्व. मुकेशभाई रसिकलाल पटेल यांच्या स्मृतीदिनानिमित्त सोमवार, दि.१५ जून २०२६ रोजी अभिवादन कार्यक्रमाचे आयोजन करण्यात आले आहे.
हा कार्यक्रम सकाळी ९.३० ते ९.५० या वेळेत आर. सी. पटेल मेन बिल्डिंगमधील ‘राजगोपाल चंदूलाल भंडारी हॉल’ येथे आयोजित करण्यात आला असून, स्व. मुकेशभाई पटेल यांच्या कार्याला आदरांजली अर्पण करण्यात येणार आहे.
स्व. मुकेशभाई पटेल हे उद्योग, शिक्षण आणि सामाजिक क्षेत्रात महत्त्वपूर्ण योगदान देणारे व्यक्तिमत्त्व होते. त्यांच्या स्मृतीदिनानिमित्त आयोजित कार्यक्रमास माजी मंत्री तथा आमदार अमरिशभाई पटेल, प्रियदर्शिनी सहकारी सूतगिरणीचे चेअरमन तसेच शिरपूर-वरवाडे नगर परिषदेचे गटनेते भूपेशभाई पटेल, लोकनियुक्त नगराध्यक्ष चिंतनभाई पटेल यांच्यासह शिक्षण क्षेत्रातील मान्यवर, संस्थेचे पदाधिकारी, प्राध्यापक, कर्मचारी, विद्यार्थी आणि नागरिकांनी उपस्थित राहावे, असे आवाहन आयोजकांच्या वतीने करण्यात आले आहे.
