शिरपूर (प्रतिनिधी): शिरपूर शहरातील भाजी मार्केट परिसरात, मानसी हॉटेलजवळ एका अनोळखी पुरुषाचा मृतदेह बेवारस अवस्थेत आढळून आला. घटनेची माहिती मिळताच शिरपूर शहर पोलिसांनी घटनास्थळी धाव घेत मृतदेह ताब्यात घेतला आहे.
सदर मृत व्यक्तीची अद्याप ओळख पटलेली नसून, त्याच्या नातेवाईकांचा किंवा परिचितांचा शोध सुरू आहे.
यासाठी पोलिसांनी नागरिकांना सहकार्य करण्याचे आवाहन केले आहे. आपल्या गावातील किंवा परिसरातील सामाजिक माध्यमांच्या ग्रुपवर सदर व्यक्तीबाबत माहिती प्रसारित करून, कोणाला त्याची ओळख अथवा नातेवाईकांविषयी माहिती असल्यास त्यांनी तात्काळ शिरपूर शहर पोलिस ठाण्याशी संपर्क साधावा, असे आवाहन पोलीस निरीक्षक किशोरकुमार परदेशी पोहेकॉ राजेंद्र रोकडे यांनी केले आहे.
