शिरपूर : तालुक्यातील साम-यापाडा येथील २५ वर्षीय तरुणीचा बाळंतपणानंतर अचानक प्रकृती बिघडून मृत्यू झाल्याची दुर्दैवी घटना सोमवारी पहाटे घडली. या घटनेमुळे परिसरात हळहळ व्यक्त होत आहे.
याबाबत मिळालेल्या माहितीनुसार,सामऱ्यापाडा येथील माहेरी आलेली आरती दिलीप पावरा वय २५ हि ४ मे रोजी पहाटे सुमारे ३ वाजेच्या सुमारास घरी बाळंतपण झाली. मात्र त्यानंतर तिची प्रकृती अचानक खालावली. कुटुंबीयांनी तातडीने तिला खासगी वाहनाने शिरपूर येथील उपजिल्हा रुग्णालयात पहाटेच्या सुमारास उपचारासाठी दाखल केले.उपचार सुरू असतानाच वैद्यकीय अधिकाऱ्यांनी तपासणी करून पहाटे सव्वा 5 वाजेच्या सुमारास आरती पावरा या महिलेस मृत घोषित केले.याप्रकरणी शिरपूर शहर पोलीस ठाण्यात अकस्मात मृत्यू म्हणून करण्यात आली असून शवविच्छेदनासाठी धुळे येथील शासकीय रुग्णालयात सदर मृतदेह हलविण्यात आला आहे.पुढील तपास सुरू आहे. अचानक घडलेल्या या घटनेमुळे कुटुंबीयांवर दुःखाचा डोंगर कोसळला आहे.
