शिरपूर : श्री विलेपार्ले केळवणी मंडळ मुंबई, संचलित तांडे ता. शिरपूर येथील मुकेश आर. पटेल सीबीएसई निवासी स्कूलच्या विद्यार्थ्यांनी १०० टक्के निकालाची परंपरा कायम राखली आहे.इयत्ता १० वी च्या विद्यार्थ्यांनी उल्लेखनीय यश संपादन करत शाळेच्या शैक्षणिक गुणवत्तेची पुन्हा एकदा प्रचिती दिली आहे.
या निकालात आरुषी आशिष अग्रवाल हिने ९७ टक्के गुण मिळवत शाळेतून प्रथम क्रमांक पटकावला. यशवर्धनसिंग गोकुळसिंग राजपूत याने ९६.२० टक्के गुण मिळवत द्वितीय क्रमांक, दिया गिरीश भागवानी ९५.८० टक्के व रणवीर प्रीतमसिंग चव्हाण यांनी प्रत्येकी ९५.८० टक्के गुणांसह तृतीय क्रमांक पटकावला आहे. तसेच खेमचंद मनोहर हिवराळे ९५.६० टक्के, रविनंदन मनोज पाटील ९५.२० टक्के, नील उल्हास देसले ९२.४० टक्के, झलक अजय भट ९० टक्के, युगांत मनेश बच्छाव ९० टक्के, आर्यन हितेश जैस्वाल याने ८९.६० टक्के गुण मिळवले आहेत. सीबीएसई १० वी च्या निकालात १० विद्यार्थ्यांनी ९० टक्क्यांहून अधिक गुण प्राप्त केले आहेत. तर १९ विद्यार्थ्यांनी ८० टक्क्यांहून अधिक गुण प्राप्त केले आहेत. आरुषी अग्रवाल हिने इंग्रजी विषयात ९९ गुण, हिंदी व विज्ञान विषयात ९७ गुण व गणित विषयात ९५ गुण मिळवले आहेत. मराठी विषयात खेमचंद हिवराळे व पार्थ पाटील या विद्यार्थ्यांनी प्रत्येकी १०० गुण मिळवले आहेत, सामाजिक शास्त्रात दिया भाग्वानी हिने ९७ गुण मिळवले आहेत. तर आयटी या विषयात रणवीर चव्हाण व यशवर्धन राजपूत या विद्यार्थ्यांनी प्रत्येकी ९९ गुण मिळवले आहेत. या यशाबद्दल एसव्हीकेएम संस्थेचे अध्यक्ष माजी मंत्री आमदार अमरिशभाई पटेल, सहअध्यक्ष भूपेशभाई पटेल, उपाध्यक्ष चिंतनभाई पटेल, व्यवस्थापन समिती सदस्य राजगोपाल भंडारी, स्कूल डायरेक्टर गिरीजा मोहन, प्राचार्या श्रीमती मंजु सिंह यांनी या सर्व यशस्वी विद्यार्थ्यांचे व पालकांचे अभिनंदन केले असून पुढील वाटचालीसाठी शुभेच्छा दिल्या आहेत.
