शिरपूरमध्ये तीन वर्षीय मुलीवर अत्याचार; संशयितास अटक

शिरपूर : शहरात 3 वर्ष वयाच्या चिमुकलीवर अनैतिक अत्याचार झाल्याची धक्कादायक घटना उघडकीस आली आहे. या प्रकरणी सोनू उर्फ कुणाल श्रीधर देसाई (रा. शिरपूर) यास पोलिसांनी अमळनेर येथून अटक केली.
६ फेब्रुवारी रोजी ही घटना घडल्याचा संशय असून, मुलीच्या तब्येतीत बिघाड झाल्यानंतर प्रकार समोर आला.१७ फेब्रुवारी रोजी संशयित परतल्यावर मुलीने इशाऱ्यांद्वारे घटना दर्शविल्याने कुटुंबीयांनी शहर पोलीस ठाण्यात तक्रार दाखल केली.तक्रार दाखल झाल्याने संशयिताविरुद्ध पॉक्सो कायद्यान्वये गुन्हा दाखल करण्यात आला असून तो महाराष्ट्र राज्य मार्ग परिवहन महामंडळच्या शिरपूर आगारात कर्मचारी असल्याची माहिती मिळाली आहे. पुढील तपास पीएसआय सुरेश सोनवणे करीत आहे.