शिरपूर (प्रतिनिधी) :
संत रविदास नगर, शिरपूर येथे चर्मकार समाजाचे आराध्य दैवत संत शिरोमणी गुरू रविदास महाराज यांची ६४९ वी जयंती रविवार, दि. १ फेब्रुवारी २०२६ रोजी मोठ्या उत्साहात व भक्तीभावाने साजरी करण्यात आली.
या कार्यक्रमास शिरपूर तालुक्याचे आमदार मा. काशिराम पावरा तसेच शिरपूर तालुक्याचे आरोग्यदूत, नगराध्यक्ष व विद्यमान नगरसेवक भुपेशभाई पटेल यांची प्रमुख उपस्थिती होती. सकाळी ११ वाजता खालचे गाव येथील संत रविदास समाज मंदिर हॉलमध्ये संत गुरू रविदास महाराज यांच्या पुतळ्यास पुष्पहार अर्पण करून मानवंदना देण्यात आली. यानंतर सायंकाळी ७ वाजता प्रभागातील नगरसेवक व पाणीपुरवठा सभापती गणेश सावळे यांच्या वतीने भक्ती, समता व मानवमूल्यांचा संदेश देणारा भव्य समाज प्रबोधनपर कार्यक्रम व भीमगीतांचा आयोजन करण्यात आले.
यावेळी आमदार काशिराम पावरा, नगराध्यक्ष भुपेशभाई पटेल, नवनिर्वाचित नगरसेवक, शिरपूर एज्युकेशन सोसायटीचे कार्याध्यक्ष राजगोपाल भंडारी, के.व्ही.पी. एज्युकेशन सोसायटीचे अध्यक्ष व माजी जिल्हा परिषद अध्यक्ष डॉ. तुषार रंधे, जिल्हा परिषद उपाध्यक्ष देवेंद्र पाटील, भाजपचे माजी जिल्हाध्यक्ष बबनराव चौधरी, उपाध्यक्षा संगिता देवरे, पाणीपुरवठा सभापती गणेश सावळे, शिक्षण व क्रीडा सभापती शामकांत ईशी, नगरसेविका वर्षा रविंद्र (पिटू) माळी यांच्यासह अनेक मान्यवर, लोकप्रतिनिधी, सामाजिक कार्यकर्ते व पत्रकार मोठ्या संख्येने उपस्थित होते.
तसेच समाजातील महिला भगिनी व समाजबांधवांची लक्षणीय उपस्थिती लाभली.कार्यक्रमाच्या यशस्वीते साठी सुरेश अहिरे,दिनेश सावळे, दीपक अहिरे, बैसाणे सर व आल्टीमेट डान्स ग्रुप यांनी विशेष परिश्रम घेतले. सदर कार्यक्रम शांततेत, उत्साहपूर्ण वातावरणात यशस्वीरीत्या पार पडला.
