क्राईम ब्लास्ट ब्यूरो
युवतीचा बळजबरीने गर्भपात करुन तिच्या मृत्यूस कारणीभूत ठरल्याच्या संशयावरुन धुळे येथील फाशीपुलावरील तुषार हॉस्पिटलचे संचालक डॉ.एम.एस.रघुवंशी यांच्यासह युवकाविरोधात शिरपूर शहर पोलिस ठाण्यात गुन्हा दाखल करण्यात आला.
मृत युवती शिरपूर तालुक्यातील एका खेड्यामधील रहिवासी आहे. तिच्याशी संशयित अमृत आनंदा पाटील याने शरीर संबंध ठेवल्याने तिला गर्भधारणा झाली. संशयिताने तिला धुळे येथील डॉ.रघुवंशी यांच्या हॉस्पिटलमध्ये बोलावून तपासले असता चार महिन्यांचा गर्भ असल्याचे आढळले. त्याने गर्भपाताबाबत सांगितले असता तिने नकार दिला. मात्र त्याने नकार देऊन डॉ.रघुवंशी यांच्याकडून तिचा गर्भपात करुन घेतला. गर्भपात करतांना निष्काळजीपणा बाळगल्यामुळे तिच्या गर्भाशयात गंभीर जखम होऊन रक्तस्त्राव झाला. रक्त साठून राहिल्याने इन्फेक्शन झाले. त्यानंतर काही दिवसांनी तिचा मृत्यू झाला. पोस्टमार्टम रिपोर्टमध्ये तिच्या मृत्यूचे कारण समोर आले. तिच्या वडिलांना मोठ्या मुलीने घडल्या प्रकाराची माहिती दिली. त्यांच्या फिर्यादीवरुन संशयित अमृत पाटील व डॉ.रघुवंशी यांच्याविरोधात गुन्हा दाखल करण्यात आला.
