नंदुरबार जिल्ह्यातील घटना
क्राईम ब्लास्ट ब्यूरो
मांडीवर हात ठेवल्याच्या कारणावरुन बेदम मारहाण करुन युवकाला गंभीर जखमी केल्याची घटना नंदुरबार जिल्ह्यातील ठाणेपाडा येथे घडली.
विजय डोंगरसिंह चौधरी (वय 22) असे जखमी युवकाचे नाव असून तो ठाणेपाडा येथील रहिवासी आहे. तो सहा मे रोजी गावातील ताराचंद उर्फ तात्या हिरालाल गावित याच्यामागे दुचाकीवरुन जात होता. त्याने ताराचंदच्या मांडीवर हात ठेवला. त्याचा राग आल्याने संशयित हिरालालने त्याला लाकडी काठीने बेदम मारहाण केली. त्याच्या घरी जाऊन आईवडिलांना शिवीगाळ केली.
जखमी विजय चौधरी याने दिलेल्या फिर्यादीवरुन संशयित हिरालाल गाविताविरोधात नंदुरबार तालुका पोलिस ठाण्यात गुन्हा दाखल करण्यात आला असून पोलिस नाईक विनायक सोनवणे तपास करीत आहेत.
