राजू कोळीच्या खुनाचा दारु विकणार्यांवर गुन्हा
क्राइम ब्लास्ट ब्यूरो
वाल्मिकनगर येथील युवकाला दारूच्या उधारीवरुन मारहाण करुन त्याचा खून केल्याच्या संशयावरुन चार जणांविरोधात शहर पोलिस ठाण्यात गुन्हा दाखल करण्यात आला.
योगेश कोळी, बंटी कोळी, दीपक कोळी व छोटू कोळी अशी संशयितांची नावे असून ते किस्मतनगर परिसरातील रहिवासी आहेत.
संशयितांनी केलेल्या मारहाणीत मरण पावलेला राजू सुदाम कोळी याचा भाऊ राकेश कोळी याने शहर पोलिसांत फिर्याद दिली. राजूला दारुचे व्यसन असून तो किस्मतनगर येथे दारु प्यायला जात होता. दारूच्या उधारीचे पैसे थकल्याने संशयितांनी यापूर्वीही त्याला मारहाण केली होती. 23 एप्रिलला पुन्हा संशयितांनी त्याला बेदम मारहाण केली. त्याच्या कानातून रक्त आल्यानंतर तो घरी येऊन झोपला. रात्री त्याचा मृत्यू झाल्याचे निष्पन्न झाले असे फिर्यादीत म्हटले आहे.
