तालुक्यासाठी आणला हजार कोटींचा निधी
क्राइम ब्लास्ट ब्यूरो
राज्यभरात सर्वाधिक लक्षवेधी कामगिरी बजावत माजी मंत्री आमदार अमरीशभाई पटेल व आमदार काशीराम पावरा यांनी शिरपूर तालुक्यासाठी तब्बल एक हजार कोटींहून अधिक रकमेचा विकासनिधी खेचून आणला आहे. या निधीतून दुर्गम आदिवासी भाग विकासाच्या मुख्य प्रवाहात येण्यास मदत होणार आहे.
आ.अमरीशभाई, आ.काशीराम पावरा यांनी अखंड पाठपुरावा केल्याने नऊ मार्चला सादर झालेल्या राज्याच्या अर्थसंकल्पात तब्बल हजार कोटी रुपयांहून अधिक निधी शिरपूरसाठी मंजूर झाला आहे. त्यातील प्रमुख तरतुदी अशा,
1) रस्ते, पूल व दोन शासकीय इमारतींसाठी 187 कोटी सहा लाख 35 हजार रुपये.
2) हायब्रीड अॅन्युटी मॉडेल (हॅम) अंतर्गत 47 किलोमीटर रस्त्यासाठी साडेपाचशे कोटी.
3) 42 किमी रस्त्यासाठी आशियाई बँकेतून 300 कोटी.
4)अंतुर्लीजवळ पूल, प्रांताधिकार्यांच्या निवासस्थानाचे बांधकाम व पळासनेर येथे एक्साईज ऑफिस.
5) सहा राज्य रस्त्यांसाठी 12 कोटी.
6) बिगर आदिवासी भागात 37 कामांसाठी 83 कोटी.
7) आदिवासी भागात 33 कामांसाठी 81 कोटी.
राज्यभरात निधी मिळवण्याचा हा विक्रम मानला जात असून अमरीशभाई पटेल यांच्या पॉवरफुल कामगिरीमुळे विकासाच्या मुख्य प्रवाहात सामील होण्याची संधी मिळणार असल्याने ग्रामीण भागातील जनतेतून समाधान व्यक्त करण्यात आले आहे.
