क्राइम ब्लास्ट ब्यूरो
प्लॉट खरेदी करुन देण्याच्या बहाण्याने महिला जिल्हाध्यक्षांची फसवणूक केल्याच्या संशयावरुन सटाणा तालुक्यातील लखमापूर येथील एकाविरोधात पोलिसांनी गुन्हा दाखल केला.
नेर (जि.धुळे) येथील माजी जिल्हा परिषद सदस्या तथा महिला काँग्रेसच्या माजी जिल्हाध्यक्षा गायत्रीदेवी संजय जयस्वाल यांची फसवणूक केल्याचे हे प्रकरण आहे. संशयित प्रफुल्ल माधवराव पगार (रा.लखमापूर) याने 2019 मध्ये त्यांच्याशी संपर्क साधला होता. धुळे येथील प्लॉट नं.562/ब पैकी प्लॉट नं.चारचे 4800 स्क्वेअर फूट क्षेत्र 30 लाख रुपयांत खरेदी करुन देण्याचे आमिष त्याने दाखवले. 28 फेब्रुवारी 2019 रोजी श्रीमती जयस्वाल यांनी नेर येथे राहत्या घरी त्याला 13 लाख रुपये चेकने दिले. उर्वरित 17 लाख रुपये रोखीने देण्यात आले. मात्र पैसे स्विकारल्यानंतरही आजपावेतो संशयित पगार याने खरेदी करुन दिली नाही किंवा पैसेही परत केले नाही. श्रीमती जयस्वाल यांची फसवणूक करुन विश्वासघात केल्याप्रकरणी संशयिताविरोधात धुळे तालुका पोलिस ठाण्यात गुन्हा दाखल करण्यात आला. उपनिरीक्षक सागर काळे तपास करीत आहेत.
