क्राईम ब्लास्ट ब्यूरो
पगार बंद केल्यामुळे खवळलेल्या कर्मचाऱ्याने कार्यकारी अभियंता महिलेस अश्लील शिवीगाळ केल्याची खळबळजनक घटना सार्वजनिक बांधकाम विभागात घडली.
धुळे सार्वजनिक बांधकाम विभागाच्या कार्यकारी अभियंता वर्षा महेश घुगरी (वय 53) यांना शिवीगाळ झाली. संशयित सुधीर ईश्वर मगर (रा.साक्री रोड, धुळे) हा त्यांच्या कार्यालयात शिपाई आहे. त्याचा तीन महिन्यापासून पगार बंद आहे. 22 सप्टेंबरला दुपारी सव्वातीनला वर्षा घुगरी कार्यकारी अभियंता दालनात बजेटच्या कामाबाबत मिटिंग घेत होत्या. त्यावेळी संशयित मगर याने तेथे जाऊन तू मला पगार का देत नाहीस असे विचारून अश्लील शिवीगाळ केली. तू ऑफिसबाहेर निघ, तुला जिवंत सोडणार नाही अशी धमकी दिली. याबाबत वर्षा घुगरी यांनी दिलेल्या फिर्यादीवरून संशयित सुधीर मगर याच्याविरोधात धुळे शहर पोलिस ठाण्यात भादंवि 353, 294, 186, 504, 506 प्रमाणे गुन्हा दाखल करण्यात आला.
