क्राईम ब्लास्ट ब्यूरो
मामाशी संगनमत करून मामीचा छळ केल्याच्या संशयावरून भाचीसह सहा जणांविरोधात नरडाणा पोलीस ठाण्यात गुन्हा दाखल करण्यात आला.
शिंदखेडा तालुक्यातील वारूळ येथील माहेर असलेल्या 28 वर्षीय विवाहितेने पोलिसात फिर्याद दिली. तिचा विवाह 2018 मध्ये शहादा तालुक्यातील वैजाली येथील रहिवासी जितेंद्र शिवाजी पाटील यांच्यासोबत झाला. जितेंद्रची भाची धनश्री बाळू पाटील ही देखील मामाच्या घरी राहते. लग्नाला पंधरा दिवस उलटल्यानंतर ते जून 2022 पर्यंत संशयित जितेंद्र, धनश्री व त्याच्या नातेवाईकांनी त्याला बुलेट मोटारसायकल विकत घेऊन देण्यासाठी माहेरून दोन लाख रुपये घेऊन ये अशी मागणी पिडीतेकडे केली. मात्र पैशांची पूर्तता न होऊ शकल्याने तिचा शारीरिक व मानसिक छळ करण्यात आला.
संशयित पती जितेंद्र पाटील, सासू कोकिळा पाटील, सासरा शिवाजी दौलत पाटील, भाची धनश्री पाटील (सर्व रा. वैजाली), ननंद कविता बाळू पाटील, नंदोई बाळू गजमल पाटील (दोघे रा.सुरत, गुजरात) यांच्या विरोधात गुन्हा दाखल करण्यात आला. पोलीस नाईक सचिन वाघ तपास करीत आहे.
