क्राईम ब्लास्ट ब्यूरो
धुळे शहरातील कुमार नगर परिसर शनिवारी मध्यरात्री गोळीबाराच्या आवाजाने थरारून निघाला. तेथील चंदन तथा चिनू पोपली या युवकाला धरून ठेऊन त्याच्यावर गोळ्या झाडून खून करण्यात आला.
जुगारात पैशांच्या उसनवारीवरून हा खून झाल्याची प्राथमिक माहिती समोर आली आहे. संशयित भटू चौधरी, त्याचा शालक व यासिन पठाण असे तिघे रात्री चंदनच्या घरी गेले होते. मात्र तो घरी नव्हता. त्यामुळे ते परत गेले. मध्यरात्री घरी परत येत असलेल्या चंदनला त्यांनी चौकात गाठले. भटू चौधरी व त्याच्या शालकाने चंदनला धरून ठेवले तर यासिन पठाणने त्याच्यावर गोळी झाडली. वर्मी गोळी लागल्याने तो खाली कोसळला. नागरिकांनी चंदनला जिल्हा रुग्णालयात दाखल केले. मात्र तोपर्यंत त्याचा मृत्यू झाला होता. पवन गुंडीयाल याने दिलेल्या फिर्यादीवरून तिघांविरोधात गुन्हा दाखल करण्यात आला. पोलिसांनी भटू चौधरी व यासीन यांना अटक केली. जुगाराच्या पैशातून झालेला वाद आणि त्यानंतर चंदनने पोलिसांत दिलेली तक्रार यावरून हा खून झाल्याचा संशय आहे.
