क्राईम ब्लास्ट ब्यूरो
मध्यप्रदेशातून नाशिक जिल्ह्यात गावठी बनावटीच्या पिस्तुलांची व काढतुसांची तस्करी करताना सांगवी पोलिसांनी दोन संशयितांना अटक केली. त्यांच्याकडून तीन पिस्तुले, नऊ जिवंत काडतुसे आणि इतर मुद्देमाल जप्त करण्यात आला.
16 जुलैला सायंकाळी सुमारास सपोनि सुरेश शिरसाठ यांना गुप्त बातमीदारांमार्फत बातमी मिळाली की, मध्यप्रदेश राज्यातील वरला गावाकडुन दोन संशयित पल्सर मोटार सायकलवरून येत असुन त्यांच्याकडे पिस्टल व जिवंत काडतुस आहेत. सुरेश शिरसाठ यांनी पीएसआय भिकाजी पाटील, संदीप पाटील नाकाबंदी करुन कारवाईचे आदेश दिले. त्यांच्यासह हवालदार आरीफ रमजान पठाण, संदीप चंद्रकांत शिंदे, योगेश बाळकृष्ण मोरे, जयेश संजय मोरे, संतोष शिवाजी पाटील, इसरार फारुकी आदींनी सापळा रचला. दहिवद गावाजवळ नाकाबंदी करून वाहने तपासत असतांना संशयितांनी पोलिसांना होऊन रस्ता बदलून पळण्याचा प्रयत्न केला. मात्र पाठलाग करून पोलिसांनी दोघांना ताब्यात घेतले. संशयितांमध्ये प्रशांत शशिकांत अहिरे (वय 27 रा. टाकळी रोड, रामदास स्वामी नगर नाशिक), व प्रफुल भानुदास जगताप वय 22 रा. हिसवड बुद्रुक ता. नांदगांव जिल्हा नाशिक) यांचा समावेश आहे. त्यांच्या गावठी बनावटीचे तीन पिस्टल व 9 जिवंत काडतुसे आढळली. एकूण एक लाख 76 हजार 800 रुपये किंमतीचा मुद्देमाल पोलिसांनी जप्त केला. या कारवाई बद्दल पोलीस अधीक्षक प्रवीणकुमार पाटील अप्पर अधीक्षक प्रशांत बच्छाव यांनी सांगवी पोलिसांचे कौतुक केले.
