आढे येथे निळकंठेश्वर महादेव मंदिराच्या बांधकामास प्रारंभ; आ. काशीराम पावरा यांच्या हस्ते भूमिपूजन

शिरपूर : तालुक्यातील जुने आढे गाव येथे श्री निळकंठेश्वर महादेव मंदिराच्या नवीन बांधकामासाठी भूमिपूजनाचा कार्यक्रम उत्साहात पार पडला. शिरपूर विधानसभा मतदारसंघाचे आमदार काशीराम पावरा यांच्या हस्ते विविध मान्यवरांच्या उपस्थितीत विधिवत भूमिपूजन करण्यात आले.
या कार्यक्रमाला उत्तर प्रदेशातील झाशी येथील १००८ अग्नी आखाड्याचे महामंत्री सोमेश्वरानंदजी महाराज यांचे आशीर्वाद लाभले. कुरखळी येथील पुरोहित हर्षल फाटक यांच्या प्रमुख उपस्थितीत धार्मिक विधी पार पडले.
यावेळी कृ. उ. बा. स. संचालक शांतीलाल जमादार, उद्योजक अशोक डेमराणी, पोलीस पाटील राजकिरण राजपूत, विकासो चेअरमन दगडू पाटील, शिरपूर वकील संघाचे सचिव निलेश चव्हाण, विकासो उपचेअरमन सुधाम पाटील, माजी उपसरपंच सुनील पवार यांच्यासह गावातील विविध समित्यांचे पदाधिकारी आणि ग्रामस्थ मोठ्या संख्येने उपस्थित होते.
कार्यक्रमाच्या यशस्वीतेसाठी गावातील भक्तगणांनी उत्स्फूर्त सहकार्य केले. नवीन मंदिर उभारणीमुळे परिसरात धार्मिक व सांस्कृतिक वातावरणाला अधिक चालना मिळणार असल्याची भावना उपस्थितांनी व्यक्त केली.