करवंद येथे स्वामिनारायण मंदिरात २० ते २२ एप्रिल रोजी मूर्ती प्रतिष्ठा महोत्सवाचे आयोजन

शिरपूर : तालुक्यातील करवंद येथील बी.ए.पी.एस. श्री स्वामिनारायण मंदिरात नव्याने उभारण्यात आलेल्या मंदिरात ‘मूर्ती प्राण प्रतिष्ठा महोत्सव’ मोठ्या उत्साहात आणि भक्तिमय वातावरणात साजरा करण्यात येणार आहे.

परम पूज्य प्रमुखस्वामी महाराज आणि प्रगट ब्रह्मस्वरूप गुरूहरी महंतस्वामी महाराज यांच्या कृपाशीर्वादाने हा मंगलमय सोहळा आयोजित करण्यात आला असून, परिसरातील सर्व भाविकांनी सहभागी होण्याचे आवाहन करण्यात आले आहे.
महोत्सवाची सुरुवात २० एप्रिल २०२६, सोमवार रोजी दुपारी ३ ते सायंकाळी ७ वाजेपर्यंत भव्य नगर यात्रा (शोभायात्रा) ने होणार आहे. २१ एप्रिल २०२६, मंगळवार रोजी सकाळी ७ ते ११ या वेळेत मूर्ती प्रतिष्ठा महायज्ञ आयोजित करण्यात आला असून, त्यानंतर सायंकाळी ५ वाजता सांस्कृतिक व अभिवादन सभेचे आयोजन करण्यात आले आहे.
२२ एप्रिल २०२६, बुधवार रोजी सकाळी ८ वाजता मूर्ती प्रतिष्ठेची मुख्य विधी पार पडणार असून, सकाळी १० वाजता सत्संग सभेचे आयोजन करण्यात आले आहे. याच दिवशी दुपारी १२ वाजता सर्व उपस्थितांना महाप्रसादाचा लाभ दिला जाणार आहे.
या महोत्सवात पूज्य अक्षरचरण स्वामी (संत प्रशिक्षण केंद्र, सारंगपूर) तसेच पूज्य आनंदजीवन स्वामी (धुळे मंदिर) यांच्यासह माजी मंत्री आमदार अमरिशभाई पटेल, आमदार काशिराम दादा पावरा, माजी नगराध्यक्ष भूपेशभाई पटेल, माजी जि.प.अध्यक्ष देवेंद्र पाटील व अनेक मान्यवर यांची विशेष उपस्थिती लाभणार आहे.

अक्षर-पुरुषोत्तम महाराज आणि गुरूहरी महंतस्वामी महाराज यांच्या कृपाशीर्वादाचा लाभ घेण्यासाठी सर्व भाविकांनी सहकुटुंब उपस्थित राहावे, असे आवाहन बी.ए.पी.एस. स्वामिनारायण सत्संग मंडळ, करवंद यांच्या वतीने करण्यात आले आहे