हेल्मेटशिवाय कार्यालयात येणाऱ्यांवर कारवाई; सरकारी,निमशासकीय व खासगी कर्मचाऱ्यांसह नागरिकांसाठी सक्ती लागू  //  एनएमआयएमएस शिरपूरमध्ये आंतरराष्ट्रीय ग्रंथालय परिसंवाद; कृत्रिम बुद्धिमत्ता व मुक्त ज्ञानप्रवेशावर मंथन  //  . खा. मुकेशभाई पटेल यांना 24 व्या स्मृतीदिनानिमित्त आर. सी. पटेल शैक्षणिक संकुलात भावपूर्ण अभिवादन  //  स्व. मुकेशभाई पटेल यांच्या स्मृतीदिनानिमित्त उद्या अभिवादन कार्यक्रम; आर. सी. पटेल शैक्षणिक संकुलात आयोजन  //  शिरपूरमध्ये फळांच्या गोदामाला भीषण आग; व्यापाऱ्याचा संसार, दुचाकीसह लाखोंचे नुकसान  //  आढे येथे गावठी दारू अड्ड्यांवर राज्य उत्पादन शुल्कची धाड; ८० लिटर दारू, १,०५० लिटर रसायन जप्त  //  अर्थे शिवारात ४४ वर्षीय शेतकऱ्याची गळफास घेऊन आत्महत्या,शहर पोलीस ठाण्यात अकस्मात मृत्युची नोंद  //  घरफोडी करणाऱ्या तिघांच्या मुसक्या आवळल्या; २.२७ लाखांचा मुद्देमाल जप्त,शहर पोलिसांची धडक कारवाई  //  धुळे जिल्हा क्रिकेट असोसिएशनचा टॅलेंट सर्च दोंडाईच्यात उत्साहात; १६१ खेळाडूंचा सहभाग  //  अनोळखी कॉल रिसिव्ह करताच ९९ हजारांची ऑनलाईन फसवणूक

नवापुरात बिबट्याच्या कातडीची तस्करी उघड; 5 संशयित ताब्यात

नंदुरबार (प्रतिनिधी)- नवापूर MIDC परिसरात बिबट या वन्यप्राण्याच्या कातडीची तस्करी करणाऱ्या टोळीचा पर्दाफाश करण्यात वन विभाग व WCCB मुंबईच्या संयुक्त पथकाला यश आले आहे. या कारवाईत पाच संशयितांना मुद्देमालासह ताब्यात घेण्यात आले असून, मोठ्या प्रमाणात वन्यजीव अवयवांची जप्ती करण्यात आली आहे.

   वाईल्ड लाइफ क्राइम कंट्रोल ब्युरो (WCCB) मुंबई टीम आणि सहाय्यक वनसंरक्षक (प्रादेशिक व वन्यजीव) नंदुरबार रोशन बुवा यांना 15 एप्रिल 2026 रोजी मिळालेल्या गोपनीय माहितीवरून व यांच्या मार्गदर्शनाखाली नंदुरबार, चिंचपाडा व नवापूर प्रादेशिक विभागाच्या संयुक्त पथकाने नवापूर MIDC परिसरात सापळा रचला असता संशयीत बिबटाच्या कातडीच्या तुकड्यांची तस्करी करताना रंगेहाथ पकडुन कारवाई केली.या कारवाईत बिबटाच्या कातडीचे तुकडे जप्त करण्यात आले. तसेच तस्करीसाठी वापरली जाणारी पांढऱ्या रंगाची मारुती स्विफ्ट कार (GJ 26 A 1513), युनिकॉर्न दुचाकी (GJ 26 P 9668), डिस्कव्हर दुचाकी (MH 39 Q 4460) आणि स्प्लेंडर दुचाकी (GJ 22 M 1447) ही वाहनेही जप्त करण्यात आली. सदर संशयीत व मुद्देमाल नवापूर येथील मध्यवर्ती रोपवाटिकेत जमा करण्यात आले असून संशयीतांविरुद्ध भारतीय वन्यजीव संरक्षण अधिनियम 1972 अंतर्गत कलम 9, 39, 48(अ), 49(ब), 44, 50 व 51 अन्वये वनगुन्हा दाखल करण्यात आला आहे. ही कारवाई वनसंरक्षक श्रीमती नीनू सोमराज (धुळे वन), उपवनसंरक्षक  संतोष सस्ते (नंदुरबार) व विभागीय वनाधिकारी (दक्षता) सदगीर यांच्या मार्गदर्शनाखाली पार पडली. यामध्ये WCCB मुंबई टीम, नंदुरबार, चिंचपाडा, नवापूर प्रादेशिक विभागाचे अधिकारी-कर्मचारी व शहादा गस्ती पथकाने सहभाग नोंदविला.पुढील तपास नवापूर प्रादेशिक वनपरिक्षेत्र अधिकारी करत आहेत.

टॅग्स:
शेअर
Facebook
Twitter
LinkedIn
WhatsApp
Telegram
आमच्याशी जुडा
हे ही वाचा
error: Content is protected !!