शिरपूर : शहरातील बसस्थानकात एका ५५ वर्षीय व्यक्तीचा अचानक मृत्यू झाल्याची दुर्दैवी घटना शुक्रवार, १० एप्रिल २०२६ रोजी सकाळी घडली.
मिळालेल्या माहितीनुसार,शिंदखेडा तालुक्यातील चिमठाणे येथील रहिवासी उदेसिंग नरसिंग गिरासे वय ५५ हे बाहेरगावी जाऊन परत आपल्या गावी येत होते.सकाळी सुमारे ८.३० वाजण्याच्या सुमारास शिरपूर बसस्थानकावर उतरल्यावर त्यांना अचानक चक्कर आली आणि ते बेशुद्ध अवस्थेत कोसळले.
घटनास्थळी उपस्थित नागरिकांनी तत्परता दाखवत १०८ रुग्णवाहिकेद्वारे त्यांना तात्काळ शिरपूर येथील उपजिल्हा रुग्णालयात दाखल केले. मात्र,वैद्यकीय अधिकाऱ्यांनी तपासणी केल्यानंतर डॉ. गौरव नेवे यांनी त्यांना मृत घोषित केले.घटनेची माहिती मिळताच नातेवाईकांनी रुग्णालयात धाव घेतली.
या प्रकरणी शिरपूर शहर पोलीस ठाण्यात अकस्मात मृत्यूची नोंद करण्यात आली असून पुढील तपास पोहेकॉ राजेंद्र रोकडे करीत आहेत.
