शहरातील क्रांतीनगर रस्त्यावर अपघात,२५ वर्षीय युवकाचा मृत्यू

शिरपूर शहरातील क्रांतीनगर रस्त्यावर भोलेनाथ पेट्रोल पंप समोर 28 फेब्रुवारी रोजी सायंकाळी दुचाकी घसरून डिव्हायडरवर धडकल्याने भीषण अपघात झाल्याने शिंगावे शिवारातील तिरुपती नगर मधील २५ वर्षीय युवकाचा दुर्दैवी मृत्यू झाला. हरीश दिगंबर झांजरे रा.शिंगावे ता.शिरपूर असे मृत युवकाचे नाव आहे.
मिळालेल्या माहितीनुसार हरीश हा युवक शहरातील एका दुकानावर कामाला होता.दरम्यान तो सायंकाळी साडे 5/6 वाजेच्या सुमारास घरी जात असतांना अचानक दुचाकीवरील नियंत्रण सुटले आणि दुचाकी डिव्हायडरला धडकली.त्यात हरीशच्या डोक्याला गंभीर दुखापत झाल्याने त्याला तात्काळ नागरीकांनी उपजिल्हा रुग्णालयात दाखल केले.मात्र रुग्णालयात डॉक्टरांनी तपासणी करून त्यास मृत घोषित केले.
घटनेची माहिती मिळताच परिसरात हळहळ व्यक्त करण्यात आली. या प्रकरणी पुढील तपास संबंधित पोलिसांकडून सुरू आहे.