शिरपूर /- बिजासन घाट परिसरात अपघातग्रस्त अवस्थेत उलटलेल्या कंटेनरमधून दोन मोटारसायकलीं सह लाखों रुपयांचा मुद्देमाल लंपास करणाऱ्या तिघा संशयितांच्या मुसक्या आवळण्यात शिरपूर तालुका पोलीस ठाणे पोलिसांना यश आले आहे.तालुका पोलिसांनी तिघांना ताब्यात घेत एकूण १ लाख ९२ हजार ३३० रुपयांचा मुद्देमाल जप्त करून २ गुन्हे उघडकीस आणले आहेत. दिलीप शांतिलाल रावत व सुमित हिरालाल कौशल (दोघे रा. मालवन, ता. वरला, जि. बडवाणी, मध्यप्रदेश) तसेच कृष्णा गुलाब पावरा (रा. पळासनेर, ता. शिरपूर) अशी अटक केलेल्या संशयितांची नावे आहेत.
दरम्यान, २१ फेब्रुवारी रोजी पोलीस निरीक्षक जयपाल हिरे यांना मिळालेल्या गोपनीय माहितीवरून तिघां संशयितांना ताब्यात घेण्यात आले.चौकशीत त्यांनी चोरीची कबुली देत पळासनेर येथील आणखी एका मोटारसायकल चोरीचीही माहिती दिली. दोन्ही गुन्ह्यांतील एकूण १ लाख ९२ हजार ३३० रुपयांचा मुद्देमाल पोलिसांनी जप्त केला आहे. संशयितांना न्यायालयात हजर केले असता २७ फेब्रुवारीपर्यंत पोलीस कोठडी सुनावण्यात आली आहे. पुढील तपास पोहेकॉ अनिल शिरसाठ करीत आहेत.
सदरची कारवाई जिल्हा पोलीस श्रीकांत धिवरे,अप्पर पोलीस अधीक्षक अजय देवरे,शिरपूर उपविभागीय पोलीस अधिकारी सुनिल गोसावी यांचे मार्गदर्शनाखाली पोलीस निरीक्षक जयपाल हिरे, पीएसआय मनोज कचरे, पोहोकॉ अनिल शिरसाठ, संतोष पाटील,संदिप ठाकरे,पोकॉ योगेश मोरे,विजय ढिवरे,वाला पुरोहीत चापोहेकॉ गिरधर पाटील आदींनी केली आहे.
