शिरपूर : मुंबई-आग्रा राष्ट्रीय महामार्गावरील तालुक्यातील हाडाखेड येथील सीमा तपासणी नाक्याच्या वळणावर दोन्ही बाजूस चार ते पाच फूट लांब आणि दोन तीन फुट खोल खड्डे मोठ्या प्रमाणावर पडले आहेत. त्याचा निषेध म्हणून सामाजिक कार्यकर्ते व नागरीकांनी रस्त्यातील खड्ड्यात फुलहार घालून प्रतीकात्मक पूजन करुन ठिय्या आंदोलन केले. प्रशासनाच्या आश्वासनानंतर नागरीकांनी आंदोलन मागे घेतले.
