महाराष्ट्र विधीमंडळाच्या नीती मूल्य समितीच्या सदस्यपदी आ.अमरिशभाई पटेल यांची निवड

धुळे/नंदुरबार : महाराष्ट्र विधीमंडळाच्या नीती मूल्य समितीच्या सदस्यपदी धुळे-नंदुरबार विधानपरिषद सदस्य आ. अमरिशभाई पटेल यांची निवड करण्यात आली आहे. त्यांच्या या निवडीबद्दल सर्व स्तरांतून मनःपूर्वक अभिनंदन करण्यात येत आहे.
आ.अमरीशभाई पटेल यांना सामाजिक, शैक्षणिक व राजकीय क्षेत्रातील दीर्घ अनुभव असून विधानपरिषदेत ते विविध प्रश्नांवर अभ्यासपूर्ण मांडणी करत असतात. त्यांच्या कार्यतत्परतेची दखल घेत त्यांची नीती मूल्य समितीवर नियुक्ती करण्यात आल्याचे मानले जात आहे.
नीती मूल्य समिती ही विधीमंडळातील सदस्यांच्या आचारसंहितेचे पालन, नैतिक मूल्यांचे जतन व पारदर्शकतेच्या दृष्टीने महत्त्वाची भूमिका बजावणारी समिती आहे. या समितीत निवड झाल्यामुळे धुळे-नंदुरबार जिल्ह्याचा गौरव वाढला असल्याची भावना व्यक्त होत आहे.
आ.अमरिशभाई पटेल यांच्या निवडीबद्दल विविध राजकीय, सामाजिक संघटना व नागरिकांनी अभिनंदन करून पुढील कार्यासाठी शुभेच्छा दिल्या आहेत.