नवीन बांधकामातून विद्युत साहित्य चोरी,शहर पोलीस ठाण्यात गुन्हा दाखल

शिरपूर : शहरातील वरझडी रोडवरील पाणी फिल्टर प्लांटच्या मागे सुरू असलेल्या नवीन घराच्या बांधकाम स्थळावरून अज्ञात चोरट्यांनी ५५ हजार ७५ रुपये किमतीची इलेक्ट्रिक विद्युत साहित्य लांबवल्याची घटना ९ फेब्रुवारी रोजी उघडकीस आली असून याप्रकरणी शहर पोलीस ठाण्यात गुन्हा दाखल करण्यात आला आहे.
सदर चोरीची घटना ८ फेब्रुवारी रोजी सायंकाळी ७ ते ९ फेब्रुवारी रोजी सकाळी ८ या कालावधीत घडली आहे. ततालुक्यातील जातोडा येथील जितेंद्र गुलाबसिंग गिरासे यांचे वरझडी रस्त्यावरील पाणी फिल्टर प्लांटच्या मागे असलेल्या ले-आऊट नं. ३१ मधील प्लॉट नं. ३० वरील नवीन घराचे बांधकाम सुरू आहे. या घरात अज्ञात चोरट्यांनी विनापरवनगीने व विणसंमतीने घरात प्रवेश करून घरात ठेवलेले ९० मीटरची इलेक्ट्रिक वायरचे १७ खोके तसेच घरात फिटिंग केलेली सुमारे ४०० मीटर वायर असे सुमारे ५५ हजार ७५ रुपये किमतीची इलेक्ट्रिक वायर चोरून नेली.
याप्रकरणी जितेंद्र गुलाबसिंग गिरासे यांनी शिरपूर शहर पोलिस ठाण्यात फिर्याद दाखल केली आहे.दाखल फिर्यादीवरून अज्ञात चोरट्याविरुद्ध विविध कलमान्वये गुन्हा दाखल करण्यात आला असून,पुढील तपास पोहेकॉ रविंद्र आखडमल करीत आहेत.