बीसीसीआय आयोजित स्पीड क्वीन निवड चाचणीमध्ये निवड

शिरपूर / धुळे : धुळे जिल्हा क्रिकेट असोसिएशनची जलद गोलंदाज कु. हितांक्षी मनिष अग्रवाल हिची बीसीसीआय आयोजित स्पीड क्वीन निवड चाचणीमध्ये “अंतिम 30” मुलींमध्ये स्तुत्य निवड झाली आहे.

संपूर्ण भारतातून या चाचणीत सुमारे 8500 मुलींनी सहभाग घेतला होता. यात हितांक्षी अग्रवाल हिने 101. 00 या प्रचंड ताशीच वेगाने गोलंदाजी करून निवडकर्त्यांना आश्चर्यचकित केले.
मुंबई येथील इस्लाम जिमखाना येथे या 30 मुलींमधून “अंतिम 6” मुलींची निवड होणार असून या 6 मुलींना सरळ इंडियन वुमन प्रिमिअर लीग तसेच इंटरनॅशनल व नॅशनल संघात स्थान देण्यात येणार आहे.विशेष बाब म्हणजे, या अंतिम 30 मुलींमध्ये महाराष्ट्र राज्यातील फक्त 3 मुलींची निवड झाली आहे.या अंतिम निवडीसाठी हितांक्षी अग्रवाल हिस धुळे जिल्हा क्रिकेट असोसिएशनचे अध्यक्ष भूपेशभाई पटेल, सल्लागार राजवर्धन कदमबांडे, सर्व पदाधिकारी, जिल्ह्यातील ज्येष्ठ क्रिकेटपटू व क्रिकेट रसिकांनी शुभेच्छा दिल्या आहेत.

धुळे जिल्हा क्रिकेट असोसिएशनच्या माध्यमातून जिल्ह्यातील होतकरु व प्रतिभावंत महिला क्रिकेटपटूंना एकत्रित आणून त्यांना वर्षभर मोफत प्रशिक्षण देऊन मानधन सुद्धा देण्यात येईल अशी घोषणा अध्यक्ष भूपेशभाई पटेल यांनी नुकतीच केली होती.