धुळ्यात मुख्याध्यापिकेला लाच घेताना रंगेहाथ अटक

धुळे : वेतन बिल काढून देणे व थकित रकमेची मंजुरी देण्यासाठी लाच मागितल्याप्रकरणी धुळ्यातील एका नामांकित विद्यालयाच्या मुख्याध्यापिकेविरोधात लाचलुचपत प्रतिबंधक विभागाने कारवाई करत गुन्हा दाखल केला आहे. २ हजार ३८० रुपयांची लाच स्वीकारताना मुख्याध्यापिका रंगेहाथ पकडली गेल्याने शिक्षण क्षेत्रात खळबळ उडाली आहे.
स्व.सुदाम पिंगळे मेमोरियल ट्रस्ट, धुळे संचलित श्रीमती शांताबाई पिंगळे माध्यमिक व उच्च माध्यमिक विद्यालय, साक्री रोड येथील मुख्याध्यापिका श्रीमती भारती गिरीष जोशी अशी संशयीत मुख्याध्यापिकेचे नाव आहे.
तक्रारदार या विद्यालयात यापूर्वी ग्रंथपाल पदावर कार्यरत होत्या.सेवेत २४ वर्षे पूर्ण करूनही पदोन्नतीस विलंब, वेतन फरक व नियमित पगाराची थकबाकी अद्याप न मिळाल्याने त्यांनी संशयीत मुख्याध्यापिके कडे सातत्याने पाठपुरावा केला होता. मात्र वेतन बिल काढून देण्यासाठी व थकबाकी मंजूर करण्यासाठी २ हजार ४०० रुपयांची लाचेची मागणी केली.याबाबत तक्रारदाराने १३ जानेवारी रोजी लाचलुचपत प्रतिबंधक विभाग,धुळे येथे तक्रार दाखल केली. तक्रारीची शहानिशा करून १६ जानेवारी रोजी लाचलुचपत प्रतिबंधक विभागाकडून सापळा रचण्यात आला. यावेळी मुख्याध्यापिका भारती जोशी यांनी २ हजार ३८० रुपये स्वीकारताच एसीबी पथकाने त्यांना रंगेहाथ पकडले.या प्रकरणी धुळे शहर पोलीस ठाण्यात भ्रष्टाचार प्रतिबंधक कायद्यान्वये गुन्हा दाखल करण्यात आला असून पुढील तपास लाचलुचपत प्रतिबंधक विभागाचे पोलीस निरीक्षक पद्मावती कलाल करीत आहे.
सदरची कारवाई नाशिक लाचलुचपत प्रतिबंधक विभागाचे वरिष्ठ पोलीस अधिकाऱ्यांच्या मार्गदर्शनाखाली धुळे लाचलुतपत प्रतिबंधक विभागाचे पोलीस उपाधीक्षक सचिन साळुंखे, पोलीस निरीक्षक यशवंत बोरसे,पोहेकॉ राजन कदम, मुकेश अहिरे,प्रविन मोरे संतोष पावरा,सुधीर मोरे, पोकॉ मकरंद पाटील,प्रवीण पाटील,प्रशांत बागुल,सागर शिर्के,प्रितेश चौधरी,जगदीश बडगुजर,महिला पोलीस कॉन्स्टेबल रेश्मा परदेशी यांच्या पथकाने केली आहे