या शिबिरात हृदयरोग व मधुमेह तज्ञ डॉ.पितांबर दिघोरे,डॉ.अमित गुजराथी व डॉ. विनोद पावरा यांनी पोलिस अधिकारी,अंमलदार तसेच पत्रकारांची आरोग्य तपासणी करून योग्य सल्ला व मार्गदर्शन केले. धावपळीच्या व तणावपूर्ण कामामुळे उद्भवणाऱ्या आजारांविषयी जनजागृती करत नियमित आरोग्य तपासणीचे महत्त्व त्यांनी अधोरेखित केले.
यावेळी उपविभागीय पोलीस अधिकारी सुनील गोसावी, शहर पोलीस ठाण्याचे पोलीस निरीक्षक किशोरकुमार परदेशी, थाळनेर पोलीस ठाण्याचे सहाय्यक पोलीस निरीक्षक शत्रुघ्न पाटील, पीएसआय संदीप दरवडे, सुरेश सोनवणे तसेच दैनिक राष्ट्र उदयचे संपादक रत्नदीप सिसोदिया यांच्यासह अनेक पत्रकार, पोलीस अधिकारी व अंमलदार उपस्थित होते.या उपक्रमाबद्दल उपस्थितांनी चंदन आबा फाऊंडेशन व दैनिक राष्ट्र उदयचे कौतुक केले.
