पळासनेर येथे एबी रोडवर पडलेल्या खडीमुळे भीषण अपघात; युवक गंभीर जखमी

शिरपूरहून सेंधवाकडे जात असताना तालुक्यातील पळासनेर गावालगत चारणपाडा परिसरात रस्त्याच्या कडेला पसरलेल्या खडीमुळे दुचाकी घसरून झालेल्या भीषण अपघातात एक युवक गंभीर जखमी झाल्याची घटना 10 जानेवारी रोजी सायंकाळी 8 वाजेच्या सुमारास घडली.या अपघातात वहान्या लकडा कनोजे वय 26, रा. राजमोली, ता. निवाली, जि. बडवानी असे जखमी युवकाचे नाव आहे.                                                                                  मिळालेल्या माहितीनुसार,शिरपूर येथून जातांना वहान्या कनोजे हा युवक पळासनेर येथील यात्रोत्सव पाहून दुचाकीने सेंधवाकडे जात होता. गावाबाहेर चारणपाडा परिसरात मुंबई–आग्रा महामार्गाच्या कडेला अनेक दिवसांपासून पडलेली खडी असल्याने त्याची दुचाकी घसरून डिव्हायडरला आदळली.या अपघातात युवकास गंभीर दुखापत झाली.अपघाताची माहिती मिळताच पत्रकार निलेश दुबेसह ग्रामस्थांनी घटनास्थळी धाव तालुका पोलीस, महामार्ग पोलीस माहिती दिली.पोलिसांनी घटनास्थळी धाव जखमी युवकास शासकीय रुग्णवाहिकेद्वारे शिरपूर उपजिल्हा रुग्णालयात उपचारासाठी दाखल केले.
विशेष म्हणजे, रस्त्याच्या कडेला पसरलेल्या खडीमुळे यापूर्वीही अनेक अपघात झाले असतानाही संबंधित यंत्रणांकडून याकडे दुर्लक्ष करण्यात आले आहे. ही धोकादायक खडी तात्काळ हटविण्यात यावी, अशी मागणी वाहनधारकांकडून होत असून अन्यथा भविष्यात आणखी किती निष्पापांचे जीव धोक्यात येणार, हा प्रश्न उपस्थित होत आहे