तालुक्यात सामाजिक अर्थसहाय्य योजनांअंतर्गत ५४२ लाभार्थ्यांना मंजुरी

शिरपूर (प्रतिनिधी) तालुक्यात सामाजिक अर्थसहाय्य योजनांअंतर्गत मंजुरीबाबत शिरपूर तहसील कार्यालयात तहसीलदार महेंद्र माळी यांच्या अध्यक्षतेखाली नुकतीच बैठक संपन्न झाली.या बैठकीत विविध योजनेतील एकूण ५४२ लाभार्थ्यांना लाभ मंजूर करण्यात आला आहे.यात संजय गांधी निराधार अनुदान योजना अंतर्गत (१६२), श्रावणबाळ राज्य सेवा निवृत्ती योजना अंतर्गत (२५७), इंदिरा गांधी राष्ट्रीय वृध्दापकाळ योजना अंतर्गत (६८), इंदिरा गांधी राष्ट्रीय विधवा योजना अंतर्गत (२९), तर राष्ट्रीय कुटुंब अर्थसहाय्य योजना अंतर्गत (२६)/लाभार्थ्यांना मंजुरी देण्यात आली आहे.मंजूर झालेल्या सर्व लाभार्थ्यांनी आपले मंजुरी आदेश संबंधित सेतु केंद्रातून प्राप्त करून घ्यावेत, तसेच अनुदान मंजुरी आदेश, बँक पासबुकची छायांकित प्रत व अद्ययावत आधार कार्डची छायांकित प्रत शिरपूर तहसील कार्यालयातील संजय गांधी शाखेत जमा कराव्यात, असे आवाहन करीत लाभार्थ्यांनी आवश्यक कागदपत्रे वेळेत सादर केल्यास लाभार्थ्यांना अनुदानाची रक्कम तात्काळ सुरू करण्यात येईल,असेही तहसीलदार महेंद्र यांनी स्पष्ट केले आहे.