क्राईम ब्लास्ट ब्यूरो
माशांची भाजी कुत्र्याने खाल्ल्याच्या क्षुल्लक कारणावरून संताप्त झालेल्या मुलाने आईचा निर्घृण खून केल्याची धक्कादायक घटना 24 मे रोजी रात्री आठ वाजता शिरपूर तालुक्यातील ताजपुरी शिवारात घडली. संशयित मुलगा फरारी झाला असून थाळनेर पोलीस त्याचा शोध घेत आहे
तालुक्यातील वाठोडे गावातील रहिवासी देवेंद्र भिलेसिंग राजपूत यांचे ताजपुरी शिवारातील शेत आहे. तेथे जागलीसाठी आदिवासी कुटुंब राहते. त्यातील अवलेश रेबला पावरा याने आई टिपाबाई रेबला पावरा (वय 67 वर्ष) हिला माशांची भाजी करायला सांगितली होती. तिने भाजी तयार करून ठेवली. मात्र शेतातील कुत्र्याने येऊन भाजी खाल्ली. त्याचा राग आल्याने अवलेश याने लाकडी दांड्याने तिला मारहाण करून तिचा खून केला. याबाबत थाळनेर पोलीस ठाण्यात अवलेश पावरा याच्याविरोधात गुन्हा दाखल करण्यात आला असून त्याचा शोध सुरू आहे.
