क्राइम ब्लास्ट ब्यूरो
शहरातील सदाशिव नगर येथील महिलेने राहत्या घरात गळफास लावून आत्महत्या केल्याची घटना सहा सप्टेंबरला सकाळी साडेदहा ते अकराच्या दरम्यान घडली.
रेखाबाई विजय वाडिले (वय 40) असे मृत महिलेचे नाव आहे. त्या थाळनेर गावाच्या माजी सरपंच होत्या. मुलांच्या शिक्षणासाठी त्या काही काळापासून शिरपूर शहरात सदाशिव नगरमध्ये राहत होत्या. सकाळी घरात कोणीही नसतांना त्यांनी गळफास लावून घेतला.
ही घटना लक्षात येताच त्यांना खाली उतरवून उपजिल्हा रुग्णालयात दाखल करण्यात आले. परंतु वैद्यकीय तपासणीत त्यांचा मृत्यू झाल्याचे निष्पन्न झाले. या घटनेचे वृत्त कळताच समाज बांधवांसह पदाधिकार्यांची मोठी गर्दी रुग्णालयात जमली. शहर पोलिस ठाण्यात आकस्मिक मृत्यूची नोंद करण्यात आली. आत्महत्येचे कारण समजू शकले नाही.
