क्राईम ब्लास्ट ब्यूरो
शिरपूर तालुक्यातील सांगवी गावाजवळ लालमाती येथे आठ मे रोजी सकाळी साडेसातला झुडुपात फेकलेलाअनोळखी पुरुषाचा मृतदेह आढळला प्रथमदर्शनी हा घातपाताचा प्रकार असल्याचे दिसत असून पोस्टमार्टेम केल्यानंतर गुन्हा दाखल करणार असल्याचे पोलिसांनी सांगितले.
मृताचे वय सुमारे 35 ते 45 वर्षाच्या दरम्यान आहे. त्याच्या गळ्यावर आवळल्याची खूण व मांडीजवळ भाजल्याचे दिसून आल्याने हा खुनाचा प्रकार असल्याचा संशय व्यक्त केला जात आहे.
मृतदेहाच्या अंगावर शर्ट आणि अंडरपॅन्ट आहे.सांगवी पोलिस ठाण्याचे सहायक निरीक्षक सुरेश शिरसाट व सहकाऱ्यांनी मध्यप्रदेशातील सेंधवा शहरापर्यंत जाऊन त्याची ओळख पटवण्याचा प्रयत्न केला. मात्र मृत कोण व कुठला आहे याची माहिती अद्याप मिळू शकलेली नाही. त्याचा अन्यत्र खून करून मृतदेह सांगवीजवळ आणून टाकला असावा असा संशय आहे. मृतदेह शवविच्छेदनासाठी शिरपूर उपजिल्हा रुग्णालयात नेण्यात आला. घटनास्थळी डीवायएसपी ए.एस.आगरकर यांनी भेट दिली. फोरेन्सिक टीम व श्वान पथकालाही पाचारण करण्यात आले.
