क्राइम ब्लास्ट ब्यूरो
पेढा खाऊ घालून त्यातून गुंगीचे औषध देऊन पळवून नेत अल्पवयीन मुलीवर बलात्कार केल्याच्या संशयावरुन युवक व त्याच्या दोन साथीदारांविरोधात गुन्हा दाखल करण्यात आला.
पीडीत मुलगी अल्पवयीन आहे. 11 एप्रिलला ती घरी स्वयंपाक करीत असतांना संशयित दादू गुलाब कारंडे (वय 22) तेथे पोहचला. त्याने मुलीस खाण्यासाठी पेढा दिला. तो खाल्ल्यानंतर तिला चक्कर येऊ लागले. ती जागीच बेशुद्ध झाली.
काही वेळाने शुद्धीवर आल्यानंतर रात्रीचे चार वाजले असून ती एका वाहनात असल्याचे आढळले. संशयित दादू कारंडे तिच्यासोबत होता. आपण कुठे जात आहोत अशी विचारणा केल्यानंतर त्याने वाहनातच तिच्यावर बलात्कार केला. त्यावेळी त्याचे दोन साथीदारही सोबत होते. काही अंतरावर दादू व मुलीस उतरवून वाहनासह दोघे निघून गेले. तेथील शेडमध्येही दादूने तिच्यावर पुन्हा अत्याचार केला. सकाळी त्याचा काका आल्यानंतर त्याने मुलीची सुटका केली. संशयित दादू कारंडे (धमनार ता.साक्री) येथील रहिवासी आहे. संशयित तिघांविरोधात गुन्हा दाखल करण्यात आला.
