क्राईम ब्लास्ट ब्यूरो
दारू पार्टी केल्यानंतर बिल भरण्यास नकार दिल्याने युवकाच्या पाठीत चाकूने भोसकल्याच्या संशयावरून एकाविरोधात थाळनेर पोलिस ठाण्यात गुन्हा दाखल करण्यात आला.
ही घटना 15 एप्रिलला सायंकाळी पावणेआठला मुंबई आग्रा राष्ट्रीय महामार्गावर गरताड शिवारातील सनी गार्डन हॉटेलजवळ घडली. जखमी युवकावर रुग्णालयात उपचार करण्यात आले.
घटनाक्रमानुसार, सागर सुरेश कोळी (वय 23, रा.खर्दे) व विकास भोई (रा.खालचे गाव बालाजी मंदिराजवळ, शिरपूर) हे सनी गार्डन हॉटेलमध्ये पार्टीसाठी गेले होते. पार्टी संपल्यानंतर विकास भोई याने सागरला दारूचे बिल देऊन टाक असे सांगितले. सागरने पैसे देण्यास नकार दिला. त्याचा राग आल्याने हॉटेलबाहेर पडल्यानंतर विकासने सागरच्या पाठीत चाकू खुपसला. त्याला मारहाण करून जीवे मारण्याची धमकी दिली. सागरने दिलेल्या फिर्यादीवरून थाळनेर पोलिस ठाण्यात गुन्हा दाखल करण्यात आला. हवालदार संजय धनगर तपास करीत आहेत.
