क्राइम ब्लास्ट ब्यूरो
नात्याने मामेबहीण असलेल्या 19 वर्षीय युवतीवर युवकाने बलात्कार केल्याची खळबळजनक घटना शहरातील करवंद नाका परिसरात घडली. संशयित युवकाला अटक करण्यात आली असून एका दिवसाची पोलिस कोठडी देण्यात आली आहे.
पीडीत युवतीच्या आजोबांचे निधन झाल्यानंतर तेथे आयोजित धार्मिक कार्यक्रमांसाठी ती जात होती. तेथे तिचा चुलत आतेभाऊ कमलेश सुनिल जव्हेरी (वय 25, रा.वाल्मिकनगर, शिरपूर) हा देखील जात होता. 13 फेब्रुवारीला सायंकाळी साडेसातला त्याने गहू उपसण्याच्या बहाण्याने तिला वरच्या मजल्यावर बोलावले. तेथे जिन्यामध्ये तिच्यावर अत्याचार केला. घडलेल्या प्रकाराबाबत कोणाला सांगितल्यास तुला जीवे मारुन टाकेल अशी धमकी दिली. तिने ही बाब कुटुंबातील लोकांना सांगितली. त्यांनी तडक पोलिस ठाणे गाठून फिर्याद दिली. त्यावरुन संशयित कमलेश जव्हेरीविरोधात गुन्हा दाखल करण्यात येऊन त्याला अटक करण्यात आली. कोर्टासमोर हजर केले असता त्याला एका दिवसाची पोलिस कोठडी देण्यात आली.
