क्राईम ब्लास्ट ब्यूरो
शिरपूर कृषी उत्पन्न बाजार समितीच्या प्रशासक पदावर धुळे येथील सहायक उपनिबंधक मनोज चौधरी यांची नियुक्ती करण्यात आली असून त्यांनी 15 फेब्रुवारीला कार्यभार स्वीकारला.
बाजार समितीच्या संचालक मंडळाची मुदत 2022 मध्ये संपुष्टात आली होती. त्यांना एका वर्षाची मुदतवाढ दिली होती. दरम्यान, न्यायालयाने एप्रिल 2023 मध्ये निवडणूक होणाऱ्या सर्व बाजार समित्यांवर तातडीने प्रशासक नेमण्याचे आदेश दिले. 10 फेब्रुवारीला श्री चौधरी यांना नियुक्ती बहाल करण्यात आली. औपचारिकता पूर्ण करून त्यांनी 15 फेब्रुवारीला कार्यभार स्विकारला.
मनोज चौधरी यांची सलग दुसऱ्यांदा शिरपूर बाजार समितीवर प्रशासक म्हणून नियुक्ती झाली आहे. ते सहकार क्षेत्रातील कुशल अधिकारी म्हणून प्रसिद्ध असून त्यांच्या प्रशासक पदाच्या काळात बाजार समितीचा कारभार शिस्तबद्धरित्या चालून समिती नफ्यात आली होती. यावेळीही त्यांच्या नियोजनाखाली बाजार समितीची निवडणूक होणार आहे. समितीतर्फे मावळते सभापती नरेंद्रसिंह सिसोदिया, उपसभापती इशेंद्र कोळी, संचालक युवराज जैन, मोहन पाटील व संचालकांनी त्यांचे स्वागत केले.
