क्राईम ब्लास्ट ब्यूरो
शिरपूर तालुक्यात वाघाडी रस्त्यावर 24 सप्टेंबरला सकाळी बेवारस अर्भक आढळल्याने खळबळ माजली आहे.
शिरपूर-वाघाडी रस्त्यावर वाघाडी गावाच्या अलीकडे रस्त्यावर हे अर्भक टाकून दिलेले होते. सकाळी शाळेत जाण्यासाठी निघालेल्या शिक्षकांना ते दिसले. काही वेळातच तेथे गर्दी जमली. पोलिसांना सूचित करण्यात आले. अर्भक स्त्री जातीचे असून पहाटे चार ते पाचच्या दरम्यान टाकून दिले असल्याची शक्यता वर्तवण्यात येत आहे. हे घृणास्पद कृत्य कोणी केले असावे याबाबत तर्कवितर्क सुरू आहेत. शहर पोलिस घटनास्थळी दाखल झाले असून पुढील कार्यवाही सुरू आहे.
