महिलेची छेड काढणाऱ्याची धुलाई
क्राईम ब्लास्ट ब्यूरो
गणेशोत्सवात महिलेची छेड काढणाऱ्या विकृत व्यक्तीला जमावाने बेदम चोपल्याची घटना शिरपूर शहरात निमझरी नाक्यावर घडली.
याबाबत मिळालेल्या माहितीनुसार, चार सप्टेंबरला रात्री निमझरी नाका येथे एकाला चार ते पाच जणांनी घेरून बेदम मारहाण करण्यास सुरुवात केली. काही कळण्याच्या आतच जमाव जमला. संबंधित व्यक्तीने महिलेची छेड काढल्याचे कळताच जमावानेही हात धुवून घेतला. गणपती मंदीर रस्त्यापासून उड्डाण पुलापर्यंत संबंधिताची वरात काढण्यात आली.
निमझरी नाका परिसरात एका महिलेचा संशयित पाठलाग करीत होता. प्रारंभी तिने दुर्लक्ष केले. मात्र त्याचा त्रास वाढल्यावर तिने पतीला सांगितले. त्यानंतर पतीसह जमावाने त्याची यथेच्छ धुलाई केली. संशयित सुमारे 35 ते 40 वर्षाचा आहे. निमझरी नाका परिसरात दररोज हाणामारीच्या घटना घडत असून पोलिसांनी तेथे बंदोबस्त लावण्याची गरज आहे.
